AMEA Naxçıvan Bölməsi

Naxçıvan Bölməsində Rəyasət Heyətinin iclası keçirilib


29.11.2022 / 17:15Tədbirlər



AMEA-nın Naxçıvan Bölməsində Rəyasət Heyətinin iclası olub. Naxçıvan Bölməsinin sədri, akademik İsmayıl Hacıyev iclası açaraq gündəliyə çıxarılan məsələləri iştirakçıların diqqətinə çatdırıb.

İsmayıl Hacıyev əvvəlcə “Azərbaycan Respublikasında 2023-cü ilin “Heydər Əliyev ili” elan edilməsi ilə bağlı Tədbirlər Planının təsdiq edilməsi haqqında” Azərbaycan Respublikası Prezidentinin 28 noyabr 2022-ci il tarixli Sərəncamı barədə məlumat verib. Həmin Sərəncamdan irəli gələn vəzifələri, eləcə də Azərbaycan Milli Elmlər Akademiyasının qarşısına qoyulan vəzifələri dinləyicilərin diqqətinə çatdırıb.

Bölmə rəhbəri qeyd edib ki, “Azərbaycan Respublikasında 2023-cü ilin “Heydər Əliyev ili” elan edilməsi haqqında” Azərbaycan Respublikası Prezidentinin 29 sentyabr 2022-ci il tarixli Sərəncamının icrası məqsədilə AMEA Naxçıvan Bölməsində 8 maddədən ibarət Tədbirlər Planı hazırlanmış, konfrans və tədbirlərin keçirilməsi, elmi nəşrlərin hazırlanması və başqa fəaliyyətlər nəzərdə tutulmuşdur.

Sonra İsmayıl Hacıyev “Azərbaycan Respublikasının işğaldan azad edilmiş ərazilərinə Böyük Qayıdışa dair I Dövlət Proqramı”nın təsdiq edilməsi haqqında” Azərbaycan Respublikası Prezidentinin 16 noyabr 2022-ci il tarixli Sərəncamı və Dövlət Proqramının əhatə etdiyi məsələləri iclas iştirakçılarının nəzərinə çatdırıb, Qarabağda aparılan genişmiqyaslı quruculuq və bərpa işlərindən danışıb.

İclasda Azərbaycan Milli Elmlər Akademiyası prezidentinin “2023-cü il üçün AMEA-da aparılacaq elmi-tədqiqat işlərinin planlaşdırılması haqqında” Sərəncamı və Naxçıvan Bölməsinin qarşısında duran vəzifələr, 2022-ci ildə aparılmış elmi-tədqiqat işlərinin yekunlarına dair hesabatların keçirilməsinə hazırlığın vəziyyəti və gündəlikdəki digər məsələlər Rəyasət Heyəti tərəfindən müzakirə olunub, müvafiq qərarlar qəbul olunub.