Dissertasiya Şurası AMEA Naxçıvan Bölməsində 2006-cı ildən bəri fəaliyyət göstərir. Şura öncələr FD. 01.211 şifri ilə fəaliyyət göstərmiş, 2013-cü ildə isə Azərbaycan Respublikasının Prezidenti yanında Ali Attestasiya Komissiyasının müvafiq əmrinə əsasən AMEA Naxçıvan Bölməsi nəzdində D.01.211 Dissertasiya Şurası yaradılmışdır. 2019-cu ilə qədər həmin şuraya “Vətən tarixi – 5503.02”, “Arxeologiya – 5505.02” və “Müəssisələrin təşkili və idarə olunması – 5311.01” ixtisasları üzrə elmlər doktoru və fəlsəfə doktoru elmi dərəcəsi almaq üçün təqdim olunan dissertasiyaların müdafiəsini keçirmək səlahiyyəti verilmişdi.
Dissertasiya Şurasında indiyədək 84 fəlsəfə doktorluğu dissertasiyası müdafiə edilmişdir. Bu dissertasiyalarından 26-sı “Vətən tarixi”, 5-i “Arxeologiya, 6-sı “Ümumi tarix”, 1-i “İxtisaslaşdırılmış tarix”, 2-si “Elm və texnikanın tarixi”, 16-sı “Xalq təsərrüfatının iqtisadiyyatı və idarə edilməsi”, 5-i “Sahə iqtisadiyyatı”, 3-ü “İqtisadi nəzəriyyə”, 1-i “Daxili fiskal siyasət və dövlət maliyyəsi”, 1-i “İqtisadi fəaliyyət növləri”, 3-ü “Ümumi iqtisadiyyat”, 14-ü isə “Müəssisələrin təşkili və idarə olunması” ixtisası üzrə müdafiə edilmişdir. 16 nəfər iddiaçı isə elmlər doktorluğu dissertasiyası müdafiə etmiş, bunlardan 12-si “Vətən tarixi”, 1-i “Ümumi tarix”, 2-si “Xalq təsərrüfatının iqtisadiyyatı və idarə edilməsi”, 1-i isə “Sahə iqtisadiyyatı” ixtisası üzrə olmuşdur.
Hazırda AMEA Naxçıvan Bölməsi nəzdində fəaliyyət göstərən ED 1.13 Dissertasiya Şurası Azərbaycan Respublikasının Prezidenti yanında Ali Attestasiya Komissiyasının 01 noyabr 2019-cu il tarixli F-78 nömrəli əmrinə əsasən yaradılmış, həmin şuraya “Vətən tarixi – 5503.02” və “Arxeologiya – 5505.02” ixtisasları üzrə elmlər doktoru və fəlsəfə doktoru elmi dərəcəsi almaq üçün təqdim olunan dissertasiyaların müdafiəsini keçirmək səlahiyyəti verilmişdir. Lakin qlobal pandemiya səbəbindən müdafiələrin təşkil olunması hələlik mümkün olmamışdır.
ED 1.13 Dissertasiya Şurasının tərkibi:
